Бокс: Қазақстан Үндістанды 10:0 есебімен ұтты

Алматыда бокстан «Төрт елдің кубогы»  тартысында Қазақстанның былғары қолғап шеберлері қарсыластарын айқын басымдықпен ұтты.

«Аламан» ұлттық спорт порталының мәліметінше, Қазақстан жігіттері кеше 10:0 есебімен үндістерді ойсырата жеңді. Енді 18 ақпан күні шешуші айқас Ресейге қарсы өтеді. Ал ресейліктер өз кезегінде 16 ақпанда Францияны жеңді - 9:1.

Естеріңізге сала кетейік, 15 ақпанда  Алматыда бокстан «Төрт елдің ашық біріншілігі» атты халықаралық турнир басталған болатын. Қазақстан, Франция, Үндістан, Ресей арасында өтіп жатқан сынды еліміздің жігіттері сәтті бастады. Алғашқы кездесуін Францияға қарсы өткізген Мырзағали Айтжанов шәкірттері 10:0 есебімен жеңіске жетті.

Пікірлер (0)

Тіркелген қолданушылар ғана пікір қалдыра алады. Сондықтан, сізге сайтта тіркелуіңізді немесе құпиясөзді қолданып, кіруіңізді ұсынамыз.